Skip to content Skip to main navigation Skip to footer

Ortigueira destina case 24.000 euros a mellorar os camiños de Mogallón e O Silvao, na parroquia de Insua

  • A mellora destes viais está financiada a través do remanente das arcas municipais
  • Juan Penabad incide na importancia de seguir chegando ás zonas rurais a fin de “manter un equilibrio coa prestación de servizos nas zonas urbanas”

O Concello de Ortigueira licita a mellora dos camiños de Mogallón e O Silvao, situados na parroquia de Insua.

A execución das obras consiste principalmente na mellora do firme dos viais, moi utilizados polos veciños a diario para acceder tanto ás súas vivendas como ás súas parcelas.

Procederase a colocar un aglomerado en quente, un dos materiais máis resistentes e duradeiros. Ademais, realizarase a limpeza as cunetas e colocarase a sinalización viaria horizontal.

O orzamento da actuación ascende a 23.968 euros, que están financiados na súa totalidade a través do remanente municipal.

Segundo apunta o alcalde, Juan Penabad, “con esta mellora de camiños renovamos as infraestruturas básicas en varias zonas rurais do noso municipio, mellorando a calidade de vida da nosa veciñanza”.

O rexedor incide na importancia de “manter un equilibrio coa prestación de servizos nas zonas urbanas”.

Por último, o mandatario ortigueirés recalcou que “este tipo de actuacións, financiadas a través do remanente municipal, poden levarse a cabo grazas a unha xestión eficaz e eficiente dos recursos públicos por parte do Goberno municipal”.

 

Back to top