Skip to content Skip to main navigation Skip to footer

Bases concurso de cabazas decoradas ACO Ortigueira

30 Setembro, 2026 en NOVAS

Sendo o Samaín unha festividade de interese cultural e tradicional en Galicia, a ASOCIACIÓN DE COMERCIO E HOSTALARÍA DE ORTIGUEIRA convoca un concurso de decoración de cabazas de Samaín, cas seguintes bases que o rexerán:

BASES DO CONCURSO DE CABAZAS DECORADAS SAMAÍN 2026.

PRIMEIRA.- Poderán participar, a título individual, veciños de todas as idades do Concello de Ortigueira acorde cas seguintes categorías:

  • Categoría de 3 a 7 anos: 1 premio gañador.
  • Categoría de 8 a 16 anos: 1 premio gañador.
  • Categoría maiores de 16 anos e persoas adultas: 1 premio gañador.
  • Premio Aspromor.
  • Premio Residencia de persoas maiores “Dolores Díaz Dávila”.

Todas as persoas participantes recibirán un agasallo.

SEGUNDA.- O traballo consiste en presentar unha cabaza natural decorada (tallada ou pintada), que poderá estar baleira ou non.

TERCEIRA.- Todas as persoas que desexen participar deberán entregar as cabazas na oficina de turismo de Ortigueira, os días 4, 5 e 6 de novembro entre as 9:30 e as 14:30 h.

As cabazas deberán levar un sobre pechado, que conterá o nome do/da participante e un teléfono de contacto. No exterior do sobre figurará a idade do concursante e o nome da obra.

CUARTA.- O xurado nomeado por ACO deliberará os/as gañadores/as o sábado 7 de novembro no primeiro andar do Mercado Municipal de Ortigueira, onde se expoñerán todas as cabazas participantes.

O xurado valorará a orixinalidade e a creatividade en función das categorías.

A decisión do xurado será inapelable e poderá declarar deserto o premio, no caso de considerar que as cabazas non reúnen as condicións precisas.

QUINTA.- O fallo do xurado e a entrega de premios será no primeiro andar do Mercado Municipal de Ortigueira ás 20 horas do día 7 de novembro. As persoas participantes que resulten gañadoras deberán estar no momento da entrega de premios. De non estar presentes premiarase a seguinte obra valorada polo xurado. Os menores de idade deberán estar acompañados dun titor.

A relación de premiados e premiadas farase pública na páxina oficial do Facebook de ACO, así como as fotografías das obras participantes.

SEXTA.- Os/as participantes deberán recoller a súa cabaza despois da entrega de premios. De non ser así, o persoal autorizado farase cargo da retirada das mesmas.

SÉTIMA.- A participación no concurso implica a aceptación destas bases.

Back to top