Skip to content Skip to main navigation Skip to footer

Aberto o prazo para inscribirse no programa municipal “Conciliortigueira” para esta semana Santa

  • Impartirase no CEIP José María Lage os días 3, 4, 5 e 10 de abril e conta cun total de 20 prazas
  • As familias empadroadas poden apuntar aos seus fillos e fillas ata o 31 de marzo
  • A participación dos menores é gratuíta e as inscricións serán por orde de rexistro ata a data límite ou ata esgotar as 20 prazas existentes

O Concello de Ortigueira, a través da concellería de Igualdade, organiza unha nova edición do programa municipal “Conciliortigueira” durante esta semana Santa.

‘Sen cole no cole’ ofrece a posibilidade de conciliar a vida laboral e familiar durante o período non lectivo dos menores.

As familias empadroadas en Ortigueira poden apuntar aos seus fillos e fillas ata o próximo 31 de marzo.

O programa impartirase no CEIP José María Lage os días 3, 4, 5 e 10 de abril en horario de 9 h a 14 h e conta cun total de 20 prazas.

A participación dos menores é de carácter gratuíto e as inscricións serán por orde de rexistro ata a data límite ou ata esgotar as prazas e conta co cofinanciamento da Secretaría Xeral de Igualdade.

As inscricións formalizaranse no Rexistro Xeral do Concello.

 

Autorización de recollida do/a menor

Folla de inscrición

Back to top