Skip to content Skip to main navigation Skip to footer

Ortigueira recibiu este verán a máis de 5.000 persoas na súa oficina de Turismo, un 36% máis que en 2020

28 Outubro, 2021 en CULTURANOVASTURISMO, COMERCIO E ATENCIÓN CIDADÁ

  • “É unha satisfacción ver como de novo aumentamos cifras de visitantes despois de preto de dous anos moi duros por mor da pandemia da covid-19”, destacou o alcalde do municipio, Juan Penabad Muras.
  • Un total de 700 persoas participaron na completa programación que o Concello organizou para dar a coñecer o patrimonio local a través de visitas guiadas e talleres para os nenos e nenas.

Ortigueira fai un balance positivo das visitas que recibiu este verán na súa oficina de Turismo: un total de 5.060 persoas, un 36% máis con respecto ao 2020, pisaron terras orteganas durante os meses de xuño, xullo, agosto e setembro. “É unha satisfacción ver como de novo aumentamos cifras de visitantes despois de preto de dous anos moi duros por mor da pandemia da covid-19”, sinalou o alcalde do Concello, Juan Penade Muras, que destacou “a riqueza patrimonial, cultural, paisaxística e gastronómica da que goza Ortigueira”.

Ao longo da tempada estival, a oficina de Turismo atendeu 1.900 consultas. “Ou sector turístico comeza a reactivarse, algo de vital importancia para impulsar a nosa economía coa visita de persoas procedentes de toda Galicia, España e de fóra do noso país”, informou o edil de Turismo, Juan Cao. Ao longo dos meses de verán o concello recibiu a visitantes que, maioritariamente, procedían de turismo nacional, destacando as comunidades de Madrid, Castela e León e País Vasco. No ámbito galego resalta a provincia coruñesa. Xa no ámbito internacional, as terras orteganas captaron o interese de persoas procedentes de Francia, Alemaña, Reino Unidos e Suíza.

Éxito da oferta de visitas guiadas e talleres programados polo Concello, nos que participaron 700 persoas

O Consistorio programou diversas actividades culturais e turísticas para poñer en valor e dar a coñecer o patrimonio local. Unhas 700 persoas participaron nos meses de xullo, agosto e setembro nas visitas guiadas a lugares como o Teatro dá Beneficencia ou o muíño de vento e os obradoiros dirixidos aos nenos e nenas do municipio.

Back to top