Ortigueira instala 25 novos contedores para reciclar aceite usado

• O goberno local busca desta maneira facilitar a xestión deste residuo, contribuíndo ao benestar social e ao coidado do medio ambiente.
• Nos próximos días tamén se ampliará o número de colectores para roupa.

O Concello de Ortigueira instala 25 contedores para a recollida de aceite usado ao longo de todo o termo municipal. O goberno local busca facilitar desta forma a reciclaxe do residuo, o que redunda no benestar dos veciños e veciñas e contribúe á conservación do medio ambiente. Os novos colectores están a instalarse estes días en diferentes puntos do municipio co obxectivo de ofrecer a maior cobertura posible a toda a cidadanía, ofrecendo un servizo que chegue a toda a poboación e redunde na calidade de vida desta. “Unha forma de impulsar tamén a correcta separación dos residuos xerados nos nosos fogares”, sinala o alcalde de Ortigueira, Juan Penabad Muras. Os novos colectores están en proceso de instalación e situaranse nas seguintes direccións:

AC-862 O Viso – Ortigueira (ao lado do contedor de vidro)

Estrada Loiba – Ortigueira

CP-6102 Céltigos

Estrada Iglesia San Juan Nº 36

Rúa San Roque

Estrada Porto

Cotorredondo

CP-6111

Lugar Rama Nº 30

Cemiterio De Luhía

AC-862 cerca do Bazar Ortigueira

Avenida da Penela Nº 28

Praza / Rúa Alameda

C/ Magdalena Nº 42

C/ Magdalena Nº 48

AC-862 Pension Giz

Lugar Granxa Nº 6

Lugar Feira Nº33

38 AC-862 Campo

Ponte de Mera (cerca de la farmacia)

Pista polideportiva centro social San Adrián

Lugar Peroxa centro social

Lugar Peneiro Nº 1

Lugar Hermida Nº1

AC-101 (Bar Rodela)

O goberno local adianta ademais que nos próximos días tamén ampliará o número de contedores de roupa para mellorar e facilitar tamén a entrega deste tipo de material.