Ortigueira habilita a solicitude das tarxetas moedeiro do Programa Básico de Servizos Sociais

As familias máis necesitadas do Concello de Ortigueira poden solicitar, desde hoxe mesmo, os novos cartóns moedeiro do Programa Básico de Servizos Sociais da Xunta de Galicia. O departamento de Servizos Sociais convértese no punto de tramitación para esta axuda.

A diferenza doutras convocatorias puntuais, este recurso manterase activo ata o 2029 para atender os fogares en situación de vulnerabilidade. O programa, que mobilizará máis de 24 millóns de euros en toda Galicia, establece axudas mensuais que varían entre os 130 e os 220 euros ao mes segundo o número de integrantes da unidade familiar. Os beneficiarios dispoñerán dun cartón válido por doce meses, suxeita a renovacións periódicas, para o seu uso nunha rede de establecementos colaboradores.

A intervención do Concello non se limita só á tramitación desta axuda, senón que servirá de ponte con Cruz Roja para garantir que as persoas beneficiarias reciban o acompañamento social contemplado no concerto coa administración autonómica. Esta asistencia inclúe desde asesoramento en economía doméstica a programas de nutrición saudable.