ORTIGUEIRA DESPIDE O SEU “MES DÁ MÚSICA” ASINANDO UN ÉXITO DE PARTICIPACIÓN CON MÁIS DE 11.000 ESPECTADORES
O remate do mes de xullo supuxo tamén o broche final do “Mes dá Música” de Ortigueira, que concluíu tras asinar un auténtico éxito en cifras de participación. Tanto é así, que os espectáculos (presenciais e telemáticos) que o Concello organizou ao longo do mes contaron con máis de 11.100 espectadores. Como explica o concelleiro de Cultura, Juan Cao, , “o obxectivo do Mes da Música foi, precisamente, ofrecer un plan alternativo e seguro no que a música fose a gran protagonista”. Para logralo, o Concello elaborou un programa completo que incluíu, tanto concertos en directo, como vídeos musicais a cargo da Escola de Música do Concello de Ortigueira ( EMCO) e das asociacións, así como reportaxes e entrevistas.
O mes de xullo incluíu así con múltiples propostas e alternativas, todas elas cun obxectivo en común: “levar a música das diferentes agrupacións locais a todo o concello e máis aló, para que mesmo as persoas que non se atopan en Ortigueira poidan ter un anaquiño dela nas súas casas”, apunta a responsable da área de Cultura.
O evento terminou superando todas as expectativas en canto a cifras de visionado e asistencia. Por unha banda, a canle de Youtube de EMCO TV acumulou 10.500 visitas procedentes de España e mesmo de Latinoamérica. Polo outro, as actuacións en directo rexistraron uns 800 espectadores e espectadoras. As propostas presenciais levaron a cabo atendendo a un estrito protocolo de seguridade pola covid-19. De feito, tanto o espectáculo da Escola de Gaitas como o da Banda de Ortigueira ou a función de Circo estiveron suxeitos a controis de aforos e limitación de accesos, entre outras directrices. A programación ofreceu, así mesmo, un pasacalle a cargo das bandas locais no día tradicional da Saída de Bandas.
Co obxectivo de que o público asistente poida valorar o “Mes dá Música”, a EMCO habilitou unha enquisa online e anónima dispoñible na seguinte ligazón: https:// forms. gle/ f51 MhKfPeiCKwy2 k7.