Skip to content Skip to main navigation Skip to footer

O Concello facilita a conciliación familiar en Semana Santa co programa municipal ‘Sen cole no cole’

  • A iniciativa ofrecerá unha alternativa educativa e de lecer para os nenos e nenas durante os días 11, 12, 13 e 18 de abril en horario de 09:00 a 14:00 horas no CEIP José María Lage.
  • A concelleira de Igualdade, María Lamelas, explica que a actividade “enmárcase no ‘Conciliortigueira’, co que desde o equipo de goberno local buscamos ofrecer propostas educativas e de lecer que posibiliten a conciliación da vida familiar e laboral en períodos vacacionais”.

O Concello facilitará a conciliación da vida familiar e laboral das familias do municipio nas vacacións de Semana Santa cunha nova edición de ‘Sen cole no cole’. A proposta terá lugar os días 11, 12, 13 e 18 de abril no CEIP José María Lage en horario de mañá.

“Esta iniciativa enmárcase no programa municipal de conciliación ‘Conciliortigueira’, co que desde o equipo de goberno local buscamos ofrecer propostas educativas e de lecer que posibiliten a conciliación dá vida familiar e laboral en períodos vacacionais como pode ser neste caso a Semana Santa”, explica a concelleira de Igualdade, María Lamelas. Deste xeito, durante os días nos que non teñan escola, o Concello ofrece unha actividade coa que “buscamos ofrecer unha alternativa que ademais posibilita que a rapazada siga formándose ao mesmo tempo que se divirte”.

A prestación terá como prioridade a familias con fillas e fillos de 3 a 12 anos (alumnado do CEIP José María Lage) empadroados en Ortigueira. A actividade levarase a cabo os días 11, 12, 13 e 18 de abril en horario de 09:00 a 14:00 horas no CEIP José María Lage. O servizo ofrece 20 prazas e as persoas interesadas poden anotarse desde mañá, 29 de marzo, no Rexistro do Concello ata o 6 de abril, aínda que o prazo pode finalizar antes se se cobren todas as prazas antes dese día. Este programa de conciliación municipal conta co financiamento da Consellería de Emprego e Igualdade.

Folla de inscrición – Sen cole no cole Semana Santa 2022

Back to top