Empanadería Cantón gana el Concurso de escaparatismo de Nadal 23-24

Empanadería Cantón é a sucesora de Florería Xunco no Concurso de escaparatismo de Nadal. O local situado na Rúa Luciano Pita resultou o gañador da edición 23-24 do certame do Nadal organizado polo Concello de Ortigueira.

Empanadería Cantón levou 23 puntos -o máximo é 25- do xurado composto pola concelleira de Patrimonio e Turismo, Isabel Rego; a edil de Cultura, Educación e Saúde, Ana Cartelle; o técnico municipal do Departamento de Cultura, Fran Rivera; a representante de ACO, Cristina Yáñez; e a representante do comercio ortigueirés e última gañadora con Florería Xunco, María Sandra Blanco.

Así, os membros do xurado premiaron a decoración de Empanadería Cantón con 4 puntos máis que os que obtivo o segundo clasificado, Multiprecios Ortigueira. Terceiro quedou Óptica María Mera (17 puntos), en cuarto lugar Farmacia Leal (11) e en quinta posición, Óptica Callao (5).

Deste xeito, Empanadería Cantón obtivo non só o recoñecemento de proclamarse vencedor do certame, senón tamén un premio en metálico de 250 euros. Pola súa banda, Multiprecios Ortigueira levou 150 euros en concepto de segundo premio.

O Concurso de escaparatismo de Nadal é unha iniciativa desenvolvida polo Concello de Ortigueira que busca fomentar o ambiente do Nadal no municipio implicando aos establecementos locais para, ao mesmo tempo, axudar a que potencien as súas vendas grazas á súa imaxe.