‘O maior encontro’ reúne no restaurante Planeta aos maiores de Ortigueira

Ortigueira reúne aos seus maiores nun encontro pensado para fomentar a participación social e evitar o illamento.

Será ‘O maior encontro’, unha comida no restaurante Planeta, en Espasante, na que haberá animación musical e algunha que outra sorpresa.

Terá lugar o domingo, 3 de decembro, e dará comezo a partir das 13:00 horas.

Poden asistir todas as persoas maiores do municipio, tanto soas como acompañadas, por un prezo de 15 euros que inclúe o menú. As persoas que desexen asistir poden inscribirse a través do departamento de Servizos Sociais, no número de teléfono 981 400 000.

Desde o Concello de Ortigueira anímase a todas as persoas a participar neste encontro e reunirse cos veciños e veciñas da localidade, nun ambiente festivo e de fraternidade.

Esta iniciativa está subvencionada pola Xunta de Galicia, no marco da Consellería de Política Social e Voluntariado.