Skip to content Skip to main navigation Skip to footer

O CONCELLO DE ORTIGUEIRA SÚMASE Á CAMPAÑA DA DEPUTACIÓN “DE FRONTE Á VIOLENCIA DE XÉNERO”

O Concello de Ortigueira súmase á campaña posta en marcha pola Deputación Provincial da Coruña baixo o lema “De fronte á violencia de xénero”, organizada con motivo da próxima conmemoración do Día Internacional da Eliminación da Violencia contra a Muller, contribuíndo á difusión das actividades.

Trátase dunha campaña en liña e colaborativa que inclúe varias propostas:

  • Desafío Poético. Concurso nas redes sociais do 4 ao 16 de novembro.
  • Palestras. Conferencias sobre violencia de xénero a cargo de Vanessa Rodríguez Pousada, Sara Vierna Fernández e Ana Sanmartín López.
  • “Sira e illa”. Narración poética para todas as idades e acción colectiva de origami. Guiada por Palmira Castro. Ata o 15 de novembro.
  • “Contos de nenas grandes e pequenas”. A cargo de Marta Ortiz e Brais das Hortas. Do 23 ao 29 de novembro.

O Concello ten a súa propia campaña do Día da Eliminación da Violencia contra a Muller, que ten como lema “Implícate, son as túas veciñas” e que inclúe cartelería, un certame de microrrelatos e reparto de material promocional.

Back to top