Skip to content Skip to main navigation Skip to footer

MEDIDAS DESDE O LUNS 8 DE XUÑO. FASE 3

8 Xuño, 2020 en CULTURADEPORTESDESENVOLVEMENTO E EMPREGOMEDIO AMBIENTE E PAISAXEMOCIDADENOVASTURISMO, COMERCIO E ATENCIÓN CIDADÁ

Estes son os criterios máis destacables da fase 3 á que o Concello de Ortigueira tense incorporado, como o resto de Galicia, hoxe luns 8 de xuño:

  • Os galegos e galegas poderán desprazarse por todo o territorio autonómico sen restricións entre provincias.
  • Autorízanse as reunións de ata 25 persoas e non existirán franxas horarias para ningún colectivo.
  • Os comercios poden abrir cun 50% do seu aforo.
  • Poderán reabrir ao público os establecementos de hostalaría e restauración para consumo no local sempre que non se supere o 50% do seu aforo. Nas terrazas ao aire libre, limitarase o aforo ao 75% das mesas, cunha ocupación máxima de 20 persoas.
  • Permítese a reapertura de discotecas e bares de ocio nocturno sempre que non se supere un terzo do seu aforo.
  • Nos locais de xogos e apostas non se deberá superar o 50% do aforo.
  • As cerimonias nupciais poderán realizarse en todo tipo de ins­talacións, públicas ou privadas, sempre que non se supere o 75% do seu aforo.
  • Os deportistas integrados en clubes participantes en ligas non profesionais federadas poderán retomar os adestramentos en pe­quenos grupos de 20 deportistas como máximo.
  • Os hoteis e complexos turísticos poderán reabrir as súas zonas comúns sempre que non se supere un 50% do seu aforo.
  • Poderanse realizar actividades de turismo activo e de natureza en grupos de ata 30 persoas. Tamén se autorizan as actividades de tempo libre para a poboación infantil e xuvenil.
  • Permítese a realización da actividade de guía turístico/a, preferible­mente mediante cita previa e con grupos de 20 personas como máximo.
  • Tamén se permite a realización de congresos, encontros, reunións de negocio e conferencias promovidos por calquera entidade, pública ou privada, e sempre que non superen os 80 asistentes.
  • Nas bibliotecas, museos, monumentos e salas de exposicións, o aforo permitido será do 50% e as visitas en grupo non poderán reunir máis de 20 persoas.
  • Permitirase a asistencia a lugares de culto sempre que non se supere o 75% do seu aforo.
  • Os velorios poderán realizarse cun límite máximo de 50 persoas en espazos ao aire libre ou 25 persoas en espazos pechados.

Outros criterios relevantes, na seguinte galería de imaxes

Back to top