Ortigueira programa catro novas roteiros de sendeirismo para o mes de marzo

• Unha das saídas será a Cabo Ortegal, percorrerase o roteiro da Penouseira, pasarán polo Refuxio dos Catro Curas e finalizarase cunha andaina por San Adrián
• Realizaranse os sábados 4, 11, 18 e 25 de marzo
• Están enmarcadas na programación anual do Concello, que realizan este tipo de saídas desde o mes de outubro ata maio

Ortigueira programa catro novos roteiros de sendeirismo para os sábados do mes de marzo.

Na primeira saída, que se celebrará este sábado, 4 de marzo, realizarase un roteiro a Cabo Ortegal. Será un percorrido de 9 quilómetros, con 200 metros de desnivel acumulado. A saída será desde as 10 horas na Estación Feve de Ortigueira.

A segunda camiñada, que terá lugar o sábado 11, será un percorrido polo “Roteiro dá Penouseira”. Terá un desnivel acumulado de 450 metros e unha lonxitude de aproximadamente 10 quilómetros. A saída será ás 10 horas desde a Estación Feve de Ortigueira.

O roteiro do sábado 18 levará aos participantes ata o “Refuxio dos catro curas”. Conta cun desnivel acumulado de 400 metros e unha lonxitude de 11 quilómetros. A saída será ás 10 horas desde a Estación de FEVE de Ortigueira ou ás 10:15 horas desde o aparcamento do Baleo.

O último roteiro, que se celebrará o día 25, será un roteiro por San Adrián, que contará cun desnivel acumulado de 100 metros e a súa lonxitude é, aproximadamente, de 9 quilómetros. A saída será ás 10 horas desde a Estación de FEVE de Ortigueira ou ás 10:30 horas desde o Centro Social de San Adrián.

Para completar estes roteiros é recomendable levar calzado cómodo, auga e algo para comer.

Estas camiñadas forman parte da programación anual do Concello de Ortigueira, que programa roteiros durante os meses de outubro, novembro, decembro, xaneiro, febreiro, marzo, abril e maio, coincidindo coa tempada escolar, co obxectivo de promover os hábitos de vida saudables e fomentar a práctica deportiva.