Ortigueira conmemora o 25N cun programa de actividades para concienciar e sensibilizar contra a violencia machista
- Unha exposición, charlas ou unha lectura de textos e poemas forman parte das diferentes iniciativas dirixidas ás veciñas e veciños do municipio.
- “A través destas accións queremos concienciar desde a base á mocidade e tamén á poboación en xeral, co obxectivo de sensibilizar e de erradicar dunha vez por todas esta secuela”, sinalou a concelleira de Igualdade, María Lamelas.
- Ao longo do mes de novembro, o claustro do Concello acollerá a exposición ‘Implícache, son as túas veciñas’.
O Concello de Ortigueira, en colaboración co Centro de Información á Muller (CIM) municipal, programa un mes de actividades de concienciación en materia de igualdade e contra a violencia de xénero con motivo do 25 de novembro, Día Internacional da Eliminación da Violencia contra as Mulleres.
Unha exposición, conferencias ou unha lectura de textos e poemas forman parte das actividades dirixidas á poboación ortegana. “A través destas iniciativas queremos concienciar desde a base á mocidade e tamén á poboación en xeral, co obxectivo de sensibilizar e de erradicar, dunha vez por todas, esta secuela”, sinalou a concelleira de Igualdade, María Lamelas.
A programación comezou cun taller informativo sobre a diversidade afectivo-sexual, familiar e contra a LGTBIfobia dirixida ao alumnado e profesorado de terceiro e cuarto da ESO do IES de Ortigueira. O obxectivo da conferencia foi fomentar a valoración das persoas, o dereito para ser diferentes e ás relacións respectuosas e saudables, lonxe da homofobia, lesbofobia e transfobia na contorna educativa.
A formación foi impartida por Cristina Palacios, presidenta da Asociación de Familias de Menores Trans (ARELAS) e coautora do Protocolo Educativo sobre Identidade de Xénero. A actividade permitiu ás persoas participantes coñecer de forma directa e participativa as diferentes formas de amar, ser, vivir e expresar o xénero, así como as diferentes maneiras de entender unha familia.
Programación
O próximo 13 de novembro, en horario de 10:00 a 14:00 horas, o pavillón do IES de Ortigueira acollerá un Seminario de Defensa Persoal Feminina para mulleres de entre 14 e 70 anos. Unha trintena de persoas xa se inscribiron á formación, que está promovida pola Deputación da Coruña. Nela, as asistentes poderán aprender mecanismos de defensa e protocolos de actuación ante situacións de risco.
As actividades continuarán o 15 de novembro co obradoiro sobre ciberdelitos de natureza sexual, que será impartido no instituto ao alumnado de primeiro da ESO.
O 25 de novembro está previsto ás 12:00 horas no Concello un acto de lectura de textos e poemas relacionados coa igualdade e a loita contra a violencia de xénero. O ente municipal repartirá entre os asistentes material da campaña ‘Implícache, son as túas veciñas’.
“Seguiremos traballando de forma coordinada cos diferentes institucións para camiñar xuntas cara unha sociedade na que a violencia de xénero non teña cabida”, sinalou Lamelas, que informou de que o 26 de novembro terá lugar en Ortigueira a reunión anual do protocolo municipal de coordinación interinstitucional contra a violencia de xénero.
Exposición no claustro do Concello
Dentro da programación en conmemoración do 25 N, o claustro do Concello acollerá ata o 30 de novembro a exposición da campaña municipal “Implícate, son as túas veciñas”. Unha iniciativa coa que o equipo de goberno local busca concienciar e implicar a todas as persoas na loita contra a violencia de xénero, “ non podemos mirar para outro lado, debemos apoiar ás mulleres que a sofren, dedicando todos vos recursos posibles” expresou Lamelas.
Ortigueira súmase á campaña ‘DE FRONTE’ da Deputación dá Coruña
O Concello tamén se sumou á campaña de concienciación e sensibilización da Deputación da Coruña ‘DE FRONTE á violencia de xénero’, que conta cun programa de actividades que apela directamente á implicación dos municipios da provincia. Dentro desta acción, o Concello comparte nas súas redes sociais os contidos da iniciativa.