O Concello realiza, a través do CIM de Ortigueira, un coloquio de igualdade no obradoiro ‘Terras de Ortegal’

O Concello promoveu esta semana, a través do Centro de Información á Mujer (CIM) do municipio, unha charla-coloquio sobre igualdade no obradoiro de emprego ‘Terras de Ortegal’, que se está a desenvolver en Ortigueira.

No CIM, en colaboración co obradoiro, realizouse unha charla-coloquio informativo sobre os servizos e prestacións que ofrece este centro. O alumnado do curso amosou o seu interese durante o encontro, trasladando preguntas e implicándose nas explicacións ofrecidas pola avogada e a psicóloga do centro.

A concelleira de Igualdade, María Lamelas, señalou que “este tipo de accións son fundamentais para achegar a poboación aos recursos en materia de igualdade, así como para sensibilizar e concienciar no eido e contra a violencia machista”.

No encontro, o equipo do CIM tamén entregou material de sensibilización, divulgación e recursos que poden ser de utilidade para o alumnado á hora de desempeñar o seu traballo nun futuro. Neste obradoiro, as persoas desempregadas participantes fórmanse no ámbito da atención sociosanitaria a dependientes en institucións sociais.

Seguindo as directrices marcadas polo IV Plan de Igualdade de Oportunidades entre Mulleres e Homes de Ortigueira, esta actividade realizouse coa coordinación e cooperación de diversas institucións públicas e privadas. Este programa é a folla de ruta a seguir polo Concello en materia de igualdade en seis áreas prioritarias: concienciación municipal; educación; formación, emprego e conciliación; saúde e benestar social; atención ao rural; e prevención e atención integral da violencia de xénero.