O CONCELLO DE ORTIGUEIRA RECIBIRÁ CASE 65.000 EUROS EN SUBVENCIÓNS PARA ACTIVIDADES DE PROMOCIÓN DA IGUALDADE
O Concello de Ortigueira recibirá subvencións para a promoción da igualdade por un importe global de 64.704,07 euros. Son cartos que proceden da Xunta, coa cofinanciación do Fondo Social Europeo e do Pacto de Estado contra a Violencia de Xénero para o ano 2020. A parte máis importante desta contía, 55.828,38 euros, destinarase a apoiar ao Centro de Información á Muller ortegano en contratación de postos de dirección, asesoramento xurídico e atención psicolóxica, co obxectivo de reforzar a atención a mulleres en situacións de especial vulnerabilidade.
O programa municipal de fomento da conciliación da vida persoal, laboral e familiar Conciliortigueira recibirá, pola súa banda, unha axuda económica de 5.095,69 euros. Trátase dunha iniciativa de actividades lúdicas e didácticas para nenos e nenas nas vacacións escolares, como xeito de favorecer a conciliación laboral e familiar.
As subvencións concedidas contribuirán tamén a financiar programas de promoción da igualdade entre mulleres e homes e de prevención e tratamento da violencia de xénero, neste caso cun importe de 3.780 euros.
A resolución da convocatoria publicouse no DOG o pasado 10 de xullo