Participa Ortigueira evoluciona: agora somos unha canle de WhatsApp
No Concello de Ortigueira queremos que esteas sempre ao tanto do que pasa no noso municipio da forma máis cómoda e segura posible. Por iso, o noso servizo de novas por WhatsApp, Participa Ortigueira, dá un paso adiante e convértese oficialmente nunha canle.
Por que facemos este cambio?
WhatsApp actualizou recentemente as súas normas de uso e ferramentas para as institucións. As antigas “listas de difusión” están a ser substituídas por novas canles, un espazo deseñado especificamente para que poidas recibir información oficial de forma máis organizada e protexida.
Que vantaxes ten para ti?
Este cambio non é só técnico, está pensado para mellorar a túa experiencia:
- Máis privacidade: Nas canles, ninguén (nin sequera o Concello) pode ver o teu número de teléfono nin os teus datos persoais. Os teus datos son absolutamente herméticos para o resto de seguidores.
- Sen encher a axenda: Xa non necesitas gardar o número do Concello nos teus contactos para recibir as mensaxes. Só tes que seguir a canle e listo!
- Máis limpo e directo: Coma antes, recibirás bandos, avisos de urxencia, eventos culturais e noticias importantes de xeito claro, evitando que a información se perda.
Como podo unirme?
É moi sinxelo. Só tes que premer na seguinte ligazón e darlle ao botón de “Seguir”:
Entra na canle Participa Ortigueira.
Nota: Lembra activar a icona da campá que verás arriba á dereita dentro da canle para que cheguen as notificacións de cada nova.
Seguimos traballando para que a comunicación entre o Concello e a veciñanza sexa cada día máis áxil e transparente. Esperámoste na canle!
ADVERTENCIA: O Concello de Ortigueira non se fai responsable das mensaxes que poidan recibirse a partir de hoxe, 25 de marzo, dende o antigo número de teléfono dende o que se xestionaba “Participa Ortigueira”. Esta vía de comunicación deixa de ser válida, tanto para emisión como para recepción de mensaxes, de xeito inmediato. Así:
- A Administración Pública deixa constancia de que se desvencella legalmente da titularidade e uso da liña telefónica número 653 475 070, ao non pertencer desde hoxe, mércores 25 de marzo, ao seu ámbito de xestión nin responsabilidade.
- Declárase que a Administración non ostenta ningún dereito, obriga nin responsabilidade algunha sobre a liña telefónica número 653 475 070, tendo cesada a súa titularidade con data 25/03/2026.
- Faise consta que a liña telefónica número deixou de estar adscrita a esta Administración, non asumindo esta ningunha responsabilidade sobre a mesma no futuro.