Ortigueira presenta a programación completa do ciclo de sendeirismo guiado ‘Ortigueira ao paso’ para os meses de xullo e agosto

O Concello de Ortigueira lanza un verán máis a iniciativa gratuíta ‘Ortigueira ao paso’, unha proposta de rutas de sendeirismo guiadas e gratuítas que se desenvolverán durante os meses de xullo e agosto por diferentes espazos de interese natural, histórico e paisaxístico do municipio.

Esta actividade, xa consolidada como unha das citas estivais máis agardadas, está dirixida a persoas de todas as idades e pretende ofrecer unha alternativa de lecer saudable ao tempo que se promove o coñecemento e respecto polo medio ambiente e polo patrimonio local.

Algúns dos escenarios desta iniciativa son as marismas de San Adrián, o intermareal de Ladrido, o casco histórico de Santa Marta de Ortigueira, os cantís de Loiba e Esteiro, e moitos puntos máis.

As rutas estarán guiadas por persoal especializado e requiren inscrición previa, que poderá formalizarse na oficina de turismo ou chamando ao teléfono 981 422 089.