O Concello de Ortigueira renova o convenio coa Deputación da Coruña para darlle continuidade ao programa de envellecemento activo e benestar integral
O Concello de Ortigueira renovou, logo de solicitalo, o convenio coa Deputación da Coruña para darlle continuidade ao programa de envellecemento activo e benestar integral cun importe de 7000 euros.
A iniciativa ten por finalidade mellorar as condicións de vida das persoas maiores de 60 anos ou ás que estean nunha situación de dependencia promovendo o seu benestar físico.
No acto de sinatura estivo presente o alcalde, Valentín Calvín, xunto con membros do Goberno local e o fisitoterapeuta que prestará servizo como parte do programa, Valentín Pena.
As persoas interesadas, que deberán ser beneficiarias do Servizo de Axuda a Domicilio, poderán anotarse no departamento de Servizos Sociais.