XXX edición da Feira do Mel e a IV da Mazá

Hoxe continua a celebración da “Feira do Mel e da Mazá”.

Dentro da programación de hoxe destacamos os seguintes eventos:

• Ás 10.00h: inauguración e apertura da feira propiamente dita, na que se poñerán á venda mel, froitos, artesanía, produtos da comarca do Ortegal e maquinaria agrícola.
• Ás 13.00h: entrega de diplomas aos alumnos e alumnas do CEIP José María Lage e CEIP da Barqueira cuxos debuxos foron elixidos para a realización do cartel.
• Ás 14.00h : a actividade trasládase ao mercado, onde haberá un showcooking do colectivo “Ortigueira entre fogones”, que prepararán diante dos asistentes petiscos elaborados con mel e mazá e con outros produtos da zona.
• Ás 16.00h : celebrarase na carpa da feira un obradoiro de mel e unha hora máis tarde poderase participar nunha cata de cervexa artesá con mel e hidromel organizada pola empresa Cerveza Castreña. Á mesma hora, no mercado, haberá outro obradoiro, neste caso adicado aos máis pequenos.

A charanga “New Belters” será a encargada de poñer a música para acompañar o programa de actividades.