A biblioteca Juan Fernández Latorre despide o ano cunha nova programación cultural para o mes de decembro

Chega o mes de decembro e con el unha nova programación cultural á biblioteca municipal de Ortigueira, Juan Fernández Latorre.

Durante todo o mes haberá diversos obradoiros e actividades co Nadal como temática central dirixidas a un público obxectivo do máis variado, desde infantil ata adulto.

A primeira das iniciativas será o ‘Obradoiro de adornos de Nadal’, con Gabi Villasuso. Impartirase para os adultos o martes, 2 de decembro, de 16.00 a 18.00 horas, e as súas inscricións xa están abertas.

Os días 9 e 16, de 16.30 a 18.00 horas, terán lugar os ‘Obradoiros Biblionadal 2025’, destinados á cativada e con solicitude dispoñible a partir do día 2.

Tamén, o mércores 10, a biblioteca acollerá un dos días do advento das ‘Xanelas do Nadal’.

Algo máis lonxe da temática festiva, o xoves 11, Luis Celeiro presentará o seu libro ‘Andares’, con entrada libre e de balde ás 19.00 horas.

Finalmente, o 17 de decembro ás 17.00 horas celbrarase o ‘Obradoiro + Festa de Nadal’, no que os máis pequenos poderán pasar unha divertida tarde. Para esta actividade a inscrición prevía será necesario e poderá realizarse desde o día 10.