O CONCELLO RENDE HOMENAXE ÁS PARELLAS ORTEGANAS QUE CELEBRAN AS SÚAS VODAS DE OURO
O Concello de Ortigueira celebrará o vindeiro 20 de outubro no restaurante Planeta de Espasante a 29ª edición da homenaxe que cada ano rende aos matrimonios que cumpren as súas vodas de ouro.
As parellas empadroadas en Ortigueira que casaron no ano 1968 e que desexen participar neste emotivo acto pódense inscribir no Centro Social ata o vindeiro 28 de setembro. O ano pasado foron 10 os matrimonios protagonistas deste acto institucional, que contou coa presenza do alcalde, Juan Penabad Muras.