Esta área está enfocada á prestación de servizos de información, orientación e atención ás persoas e ás familias do Concello, poñendo ao seu alcance recursos, prestacións e axudas sociais en función das necesidades. Tamén se prestan servizos de asesoría xurídico e psico-social en programas de intervención transversais e de educación familiar con situacións de conflito.
No eido da atención á dependencia e á autonomía, valóranse e tramítanse os servizos e prestacións da Lei de autonomía e atención á dependencia, así como o servizo de teleasistencia. Para a persoas maiores, desde o departamento de servizos sociais coordínanse os programas de dinamización sociocomunitaria, obradoiros e programas de vacacións e termalismo tanto da Xunta coma do IMSERSO.
No desenvolvemento de políticas comprometidas coa igualdade entre homes e mulleres, e poñendo recursos na sensibilidade do recoñecemento das dificultades das mulleres por razón de xénero, o Concello dispón dun Centro de Información á Muller (CIM) no que se presta asistencia psicolóxica e xurídica gratuíta ás mulleres de Ortigueira, Mañón, Cariño, Cerdido e Cedeira, e que desenvolve programas de atención multidisciplinar.
Esta área está xestionada pola concelleira Elisa Isabel Dorna Gómez, e as oficinas de atención ao público atópase no Centro de Servizos Sociais.
Área de Benestar Social e Igualdade
Recheo da Alameda, s/n.
981 402 542.
Horario: de luns a venres de 9.00 h a 13.00 horas. As oficinas municipais permanecerán pechadas (excepto recadación e rexistro) os días 24 de febreiro, 20 de marzo, 22 de maio, e 7, 24 e 31 de decembro. Así mesmo, os días 17, 28, 30 e 31 de xullo as oficinas municipais terán horario de atención ao público reducido de 9.00 h a 13.00 horas.
Persoa de contacto: Isabel Dorna elisa.dorna@concellodeortigueira.com
Correo electrónico: serviciossociais@concellodeortigueira.com